Техник тернәкләндерү чараларын сатып алу өчен электрон сертификат
2021 елдан инвалидлар техник тернәкләндерү чараларын электрон сертификат ярдәмендә сатып алырга мөмкиннәр дигән законга үзгәрешләр кертелде. Халыкка бу мөмкинлектән активрак файдаланырга кирәк.
Электрон сертификат федераль бюджет акчалары хисабына кирәкле тернәкләндерү чарасын үзеңә сайларга һәм сатып алырга мөмкинлек бирә.
Әгәр дә бәясе сертификат номиналыннан артып киткән әйбер кирәк булса, барыбер аның ярдәмендә түләргә мөмкин, тик үз акчаларыннан бәядәге аерманы гына өстәмә түләргә кирәк. Төп шарт продукт инвалидны тернәкләндерүнең шәхси программасына туры килергә тиеш. Әгәр гражданга техник тернәкләндерү чараларының берничә төре бирелгән булса, аларны бер гаризада күрсәтергә мөмкин. Бу очракта техник тернәкләндерү чараларының һәр төренә аерым сертификат биреләчәк, ләкин барлык сертификатлар бер Мир картасына бәйләнәчәк.
Сертификатны рәсмиләштерү өчен дәүләт хезмәтләре порталы яки КФҮ аша гариза бирергә кирәк. Россия Социаль фонды бүлекчәсе электрон сертификатны рәсмиләштерү турында карарны гариза бирелгән көннән алып 10 эш көне эчендә кабул итә.
Быел июнь аенда электрон сертификат буенча сатып алырга мөмкин булган техник тернәкләндерү чаралары исемлеге киңәйтелде. Хәзер анда барлык позицияләр, шул исәптән кул һәм аяк протезлары да каралган.
Еш кына халык электрон сертификат ярдәмендә яхшы сеңдерүчән керләр, подгузниклар, таяклар һәм коляскалы урындыклар, бүлеп бирү функцияләре бозылган очракта махсус чаралар сатып ала.