2023 елның 21 августынан 1 сентябренә кадәр Идел буе төбәкара табигатьне саклау прокуратурасы тарафыннан 17 күзәтү астындагы субьект территориясендә
Россия Федерациясе Идел бассейны су саклау зоналарын, яр буйларын, су объектлары акваторияләрен саклау һәм файдалану турындагы законнарны үтәү мәсьәләләре буенча «кайнар линия» үткәрү оештырылды. Мөрәҗәгать итүчеләр Идел буе төбәкара табигатьне саклау прокуратурасы компетенциясенә кагылышлы төрле мәсьәләләр буенча мөрәҗәгать итә алалар, су законнарын бозуның билгеле фактлары (җир кишәрлекләрен читләштерү, яр буе чикләрендә яки акваториядә объектлар төзү, аларны чүп-чар белән чүпләү), су объектына ирекле керүне законсыз чикләү, агынты суларны сулыкларга агызу турында хәбәр итә алалар.
Закон бозулар турындагы мәгълүматлар тикшерү чараларын оештыру өчен нигез булып торачак.
Мөрәҗәгатьләр телефон аша кабул ителә:
- Идел буе төбәкара табигатьне саклау прокуратурасы: 8-910-937-34-93;
- Казан районара табигатьне саклау прокуратурасы: 8-917-296-32-98.
Хәбәрне электрон рәвештә шулай ук Идел буе төбәкара табигатьне саклау прокуратурасы сайтында прокуратураның бердәм порталында «Прокуратурага мөрәҗәгать» бүлегендә җибәрергә мөмкин.