Әлфия Когогина Луганск Халык Республикасы балаларына мәктәп портфельләрен тапшырды
РФ Дәүләт Думасы депутаты Әлфия Когогина «Саулык» сәламәтләндерү комплексында булды һәм Татарстан Республикасында җәйге каникулларын үткәрүче Лисичанск укучылары белән очрашты.
"Җәй-искиткеч чор. Без үзебезнең Татарстан Республикасында 500гә якын Луганск балаларының ялын оештыра алуыбызга бик шатмын. Белем көне алдыннан без Луганск Халык Республикасыннан килгән иң яшь кунакларга мәктәп портфельләрен һәм уку өчен кирәкле барлык кирәк-яраклар комплектын тапшырдык. Яңа уку елы барлык балалар өчен дә иң яхшы хисләр, яңа белемнәр, тугры дуслар һәм остазлар белән тулы булсын! " - диде Ә. Когогина.
РФ Дәүләт Думасы депутаты Әлфия Когогина инициативасы, Татарстан Республикасы ярдәме һәм «КАМАЗ» ААҖ финанславы белән Луганск Халык Республикасыннан 490 бала җәйге каникулларын Чаллыда уздырды.
«Түбән Кама» милли паркы территориясендәге балалар лагерьларында төрле спорт, иҗади, акыл үсеше, туристлык, лингвистик, һөнәри юнәлеш бирүче һәм башка чараларны үз эченә алган бай программа әзерләнде. Кунакларны Татарстан Республикасы тарихы һәм мәдәнияте белән якыннан таныштыру өчен меңьеллык Алабугага экскурсияләр, «КАМАЗ-мастер» командасы музее, дельфинарий, курчак театрлары һәм «Мастерлар», Кванториумнан мастер-класслар һәм башка күп нәрсәләр оештырылды. Чаллыга балалар белән килгән Луганск педагоглары өчен дә аерым программа әзерләнде.