Татарстанда дәүләт геодезия челтәренең барлык пунктларын саклау зоналары күчемсез милек реестрына кертелде
Төбәктә дәүләт геодезия челтәренең барлык пунктларын саклау зоналары ике меңнән артык.
Росреестр Татарстан буенча Роскадастр белән берлектә, «Милли киңлек мәгълүматлары системасы» дәүләт программасын гамәлгә ашыру кысаларында, дәүләт геодезия челтәренең барлык пунктларын инвентаризацияләде. Әлеге эш нәтиҗәсендә бердәм дәүләт күчемсез милек реестрына дәүләт геодезия челтәренең барлык 2006 пунктының саклау зоналары турында мәгълүмат кертелгән.
Дәүләт геодезия челтәре пунктының саклау зонасы территорияләрне куллануның аерым шартлары булган зоналарның бер төре булып тора. Бу дүрт метрлы квадрат, аның яклары яктылык якларына юнәлтелгән һәм аның үзәк ноктасы пункт үзәге булып тора.
Россия Федерациясе территориясе дәүләт геодезия челтәре белән капланган, ул Россиянең бөтен территориясенә бердәм координаталар системасын тигез һәм кирәкле төгәллек белән җәелдерергә, геодезия һәм картография эшләрен башкарырга, шулай ук күп кенә инженер-техник мәсьәләләрне хәл итүне тәэмин итәргә мөмкинлек бирә. Дәүләт геодезия челтәрләре шулай ук күчемсез милекнең Бердәм дәүләт реестрының геодезия нигезе булып тора.