Өлкән яшьтәгеләр университетының чираттагы уку елы башланды!
2 октябрьдә 4 нче мәктәптә өлкән яшьтәгеләр университетының ачылу тантанасы булды.
Бәйрәм чарасының мактаулы кунаклары булып социаль фондның клиентлар хезмәте җитәкчесе Раушан Иштанова, университетның «Россия Пенсионерлар берлеге" иҗтимагый оешмасының җирле бүлеге факультеты укытучылары,территориаль иҗтимагый җирле үзидарә рәисләре булды .
Шунысы шатлыклы, яшь өйрәнү өчен дә, уку теләге өчен дә киртә түгел. Сез моны үз үрнәгегез белән раслыйсыз. Ә университетта уку аралашудан гаять зур заряд алуга, яңа дуслар барлыкка килүгә ярдәм итә, дип билгеләп үтте үзенең чыгышында Раушан Иштанова һәм студентларга энергия, оптимизм һәм яхшы билгеләр теләде.
Исегезгә төшерәбез, проект «Россия Пенсионерлар берлеге» иҗтимагый оешмасы һәм Татарстан Республикасы буенча Пенсия фонды бүлекчәсе эгидасы астында гамәлгә ашырыла. Бу өлкән буын кешеләре белән эшләүнең яңа формасы, ул үз эченә мәгърифәтчелек һәм уку курслары, программалар, иҗади остаханәләр оештыруны ала.
Менделеевскида өлкән яшьтәгеләр университеты өлкән буын менделеевлылар арасында зур популярлык казана.
Быел университетта 13 программа буенча 300гә якын пенсионер белем алачак.
Уку бушлай. Белешмәләр өчен Телефон 8-937-594-41-63.