Россия Социаль фондының Татарстан буенча бүлекчәсе һәм республиканың мәгариф һәм фән министрлыгы мәгълүмати хезмәттәшлек турында килешүгә кул куйдылар
Россия Социаль фондының Татарстан буенча бүлекчәсе идарәчесе Эдуард Вафин һәм республиканың мәгариф һәм фән министры Илсур Һадиуллин мәгълүмати хезмәттәшлек турында килешүгә кул куйдылар.
Хезмәттәшлек кысаларында министрлык Россия Социаль фондының төбәк бүлегенә муниципаль мәктәпкәчә белем бирү учреждениеләре тарафыннан күрсәтелә торган түләүле белем бирү хезмәтләре турында мәгълүмат тапшырачак. Хәзер ата-аналар тарафыннан балага (балаларга) белем алу өчен ана капиталы акчаларын куллану буенча бирелгән гаризалар кирәкле документлар фондына шәхси тапшырусыз каралачак.
"Элегрәк Россия Социаль фондының төбәк бүлеге һәр аерым мәктәпкәчә учреждение белән мәгълүмати хезмәттәшлек турында килешүләр имзалады, бу билгеле бер кыенлыклар тудырды, чөнки барлык мәктәпкәчә белем бирү учреждениеләре дә якланган элемтә каналлары буенча электрон документлар әйләнешенә әзер түгел иде. Яңа килешү социаль Фонд тарафыннан балаларга мәктәпкәчә белем бирү өчен ана капиталы акчаларын куллану буенча дәүләт хезмәтләре күрсәтү процессын гадиләштерә һәм тизләтә. Шулай итеп, гаризаларны карау срогын 5 эш көненә кадәр кыскарттык, шуңа күрә карарлар чыгару һәм гариза бирүчеләрнең счетларына ана капиталы акчаларын күчерү срогы да кыскартыла», – дип билгеләп үтте Татарстан Социаль фонды башлыгы Эдуард Вафин.
Исегезгә төшерәбез, ана капиталы белән идарә итү турында гаризаны ата-аналар, элеккечә, дәүләт хезмәтләре порталында, Россия Социаль фонды клиентлар хезмәтендә яки күпфункцияле үзәктә шәхси кабинет аша бирәләр. Килеп туган сораулар буенча Татарстан Республикасы социаль фонды бүлекчәсенең контакт-үзәгенә 8-800-1-00000-1 телефоны буенча мөрәҗәгать итәргә мөмкин (шалтырату бушлай).