«Кулланучылар хокукларын яклау»темасына республика олимпиадасы.
Химия-технология лицее базасында «Кулланучылар хокукларын яклау» темасына республика олимпиадасының 3 этабы узды.
Олимпиада безнең республикада инде унберенче ел үткәрелә. Агымдагы елда мәктәп укучылары арасында республика олимпиадасында катнашу өчен Татарстан Республикасының 8-9 һәм 10-11 сыйныф укучыларыннан 7926 укучы килде.
Мәктәп укучылары алган кулланучылар белемнәре аларга хезмәт һәм товарларның күптөрлелеген үзләштерергә, кулланучылар сайлавын дөрес ясарга өйрәнергә һәм кулланучылар хокуклары бозылган очракта эш итә белергә ярдәм итәчәк.
Башкарма комитет җитәкчесе Роберт Искәндәров олимпиадада катнашучыларга уңышлар һәм җиңүләр теләде.
Олимпиада хөкемдарлары республиканың әйдәп баручы югары уку йортларының хокук укытучыларыннан, Татарстан Республикасы мәгариф һәм фән министрлыгы, Татарстан Республикасы буенча Роспотребнадзор идарәсе һәм Татарстан Республикасы Дәүләт алкоголь инспекциясе вәкилләреннән торды. Комиссияне Россия Федерациясенең һәм Татарстан Республикасының атказанган юристы, юридик фәннәр кандидаты Митюшкин Юрий Иванович җитәкли.
Олимпиада нәтиҗәләре бер атнадан соң билгеле булачак.