Әлфия Когогина: әби-бабайларның әти- әниләре оныкчыкларына опека рәсмиләштерә алачак
Дәүләт Думасы, әгәр алар балигъ булмаганнар яки эшкә сәләтсез балигъ булмаганнарның опекуннары әби-бабайларының әти- әниләре булса, пенсияләренә өстәмә түләүләр турында закон проектын беренче укылышта кабул итте.
РФ Дәүләт Думасы депутаты Әлфия Когогина болай дип аңлатты: «Әлеге инициатива әби-бабайларының әти- әниләренә, гаиләдә башка туганнары булмаганда, оныкчыклары турында опека рәсмиләштерергә мөмкинлек бирәчәк. Закон проекты кабул ителгәннән соң, әби-бабайларының әти- әниләренең сәламәтлеге рөхсәт итсә, балалар үз гаиләләрендә кала алачак. Хәзерге закон буенча балаларны балалар йортына билгелиләр. Оныкчыгын тәрбияләгән өчен опекун пенсиянең билгеләнгән өлешеннән өчтән бер өлеше күләмендә өстәмә алачак.
Закон проекты буенча, 18 яшькә җитмәгән яки 18 яшькә җиткән һәм суд тарафыннан эшкә сәләтсез дип танылган оныкчыкларының опекуннары (попечительләре) булган әби-бабайларының әти- әниләренә картлык буенча иминият пенсиясенә һәм инвалидлык буенча иминият пенсиясенә билгеләнгән түләүне арттыру хокукы бирелә.
Картлык һәм инвалидлык буенча иминият пенсиясенә билгеләнгән түләү күләмен арттыруны гаиләнең эшкә сәләтсез өч әгъзасына, әгәр бу кешеләр тулы дәүләт тәэмин итүендә булмаса, әби-бабайларының әти- әниләре карамагында булган кешеләргә билгеләргә тәкъдим ителә. Хәзерге вакытта балигъ булмаган һәм эшкә сәләтсез балигъ булмаганнарны бары тик әби-бабайлар, абыйлар, апалар гына тәрбияли ала.