Татарстан халкы газета һәм журналларга ташлама белән языла ала
Кара җомга алдыннан Россия почтасы бер атна ташламалар игълан итә. 20 ноябрьгә кадәр 141 газета һәм журналны 20% ка кадәр арзанрак яздырып була.
Акциядә популяр федераль газеталар һәм журналлар катнаша. Алар арасында Российская газета, Смешарики, Веселые картинки, 1000 совет, Юный эрудит, Классный журнал, Три кота, Детская энциклопедия.
Вакытлы матбугатка үзең өчен яки туганнарың һәм якыннарың өчен, шул исәптән Россиянең башка төбәгендә яшәүчеләр өчен дә язылырга мөмкин. Россия Почтасының «Дерево добра" хәйрия акциясендә катнашучылар балалар йортына, мәктәп-интернатка, картлар йортына яки авыл китапханәсенә язылу бүләк итә алалар. Моның өчен клиентка журнал яки газета сайлаган учреждениене белергә һәм аны түләргә кирәк.
Сайтта podpiska.pochta.ru һәм Россия Почтасының мобиль кушымтасында язылырга мөмкин. Клиентлар кирәкле басманы исем яки индекс буенча эзләү сызыгында, шулай ук тема, алфавит һәм кызыксынулар буенча сайлый ала. Вакытлы матбугат чараларын шулай ук барлык почта бүлекчәләрендә кәгазь каталог буенча һәм өйдәге почтальон аша язарга мөмкин. Язылу физик һәм юридик затлар өчен дә бар.