Администрациядә республика профсоюз комитеты рәисе Ольга Калашникова һәм район башлыгы Радмир Беляев катнашында профсоюз активы киңәшмәсе узды
Ольга Анатольевна РФ Дәүләт учреждениеләре һәм җәмәгать хезмәте күрсәтү хезмәткәрләренең гомумроссия һөнәри берлегенең Татарстан республика оешмасы эшчәнлеге турында сөйләде.
Киңәшмәдә ташламалар, хезмәт хакы, катнашучыларны укыту, ял һәм сәламәтләндерүне оештыру, профсоюз әгъзаларына социаль һәм матди ярдәм темалары буенча фикер алыштылар.
Киңәшмә ахырында профсоюз әгъзаларының хокукларын һәм законлы мәнфәгатьләрен яклау буенча актив иҗтимагый эшчәнлеге өчен, Профсоюз уставының максатларын һәм бурычларын тормышка ашыруда ярдәм иткәне өчен рәхмәт һәм Мактау грамоталары белән бүләкләү булды.
Исегезгә төшерәбез, безнең районда 56 беренчел профсоюз оешмасы эшли, аларга 3920 кеше керә.
Иң эресе - химия сәнәгате хезмәткәрләре профсоюзы, аңа Л.Я. Карпов исемендәге һәм "Аммоний" АҖ химия заводлары керә.
12 оешма дәүләт учреждениеләре һәм җәмәгать хезмәте күрсәтү хезмәткәрләре профсоюзы вәкилләре.
Профсоюз оешмалары хезмәткәрләрнең хокукларын һәм мәнфәгатьләрен яклауда, лаеклы хезмәт шартларын тәэмин итүдә һәм социаль яклауда мөһим роль уйный. Без сезнең эшегезне хөрмәтлибез һәм эшегездә сезгә булышырга әзер 🙌 🏻