Роспотребнадзор хәбәр итә

Хәзерге вакытта Россия законнары кулланучыларның тиешле сыйфатлы товарлар, эшләр һәм хезмәтләр сатып алуга, аларның иминлегенә, кирәкле һәм ышанычлы мәгълүмат алуга, кулланучылар хокукларын яклау өлкәсендә белем алуга, бу хокукларны дәүләт һәм җәмәгатьчелек яклавына, кулланучыларны ирекле иҗтимагый оешмаларга берләштерүгә хокукларын гарантияли һәм яклый.

Россиядә кулланучылар хокукларын яклау гражданлык, административ һәм җинаять законнарында каралган. Бу өлкәдә гражданлык законнарының төп акты булып 1992 елның 7 февралендәге РФ «Кулланучылар хокукларын яклау турында» гы Законы (алга таба – кулланучылар хокукларын яклау турында Закон) тора, ул кулланучы төшенчәләрен билгели.

Товарлар һәм хезмәтләр ирекле хәрәкәт итүнең хәзерге шартларында төрле финанс хезмәтләре кешеләрнең көндәлек тормышының аерылгысыз өлеше булып тора, шуңа күрә финанс хезмәтләре кулланучыларын яклау аеруча мөһим.

Исегезгә төшерәбез, финанс хезмәте - акчаларны, аерым алганда, физик затларны җәлеп итү һәм алардан файдалануга бәйле эшчәнлек. Мәсәлән, агымдагы һәм башка банк счетларын ачу һәм алып бару, банк кертемнәрен (депозитларны) җәлеп итү, банк карталарына хезмәт күрсәтү, ломбард операцияләре һ.б.