Енабердино авыл җирлегендә гражданнар җыены
Бу хакта район башлыгы Радмир Беляев Енабердино авыл җирлеге гражданнары җыенында хәбәр итте. Радмир Илдар улы халыкны 2023 елда Менделеевск районының социаль-икътисади үсеше белән таныштырды һәм 2024 елга планнары белән уртаклашты. Енабердино авыл җирлеге җирле үзидарә органнарының 2023 елдагы эшчәнлеге нәтиҗәләре турында Енабердино авыл җирлеге башлыгы Елена Скворцова чыгыш ясады. Авыл җирлегесоставына 5 торак пункт керә: Енабердино, Туйма, Кураково, Максимково һәм Ашпайка авыллары. Енабердино авыл җирлеге территориясендә ун фермерлык хуҗалыгы бар. Аларның күбесе терлекчелек белән шөгыльләнә. Аларның иң эреләре: «Васильев» һәм «Мәхмүдов» КФХлары сөт, каймак, эремчек, сыр җитештерә. Васильевлар гаиләсен аерым билгеләп үттеләр, алар умартачылык белән шөгыльләнәләр. Хәзерге вакытта 150ләп умарталары бар. Мәктәпкәчә яшьтәге 8 бала «Ромашка»балалар бакчасына йөри. Үзләренең уен мәйданчыгы бар. Торак пунктта урта гомуми белем бирү мәктәбе эшли, анда 30 укучы белем ала. Мәктәп милли, балалар туган удмурт телен өйрәнәләр. Енабердино авылында модульле ФАП эшли, анда авыруларны дәвалау һәм профилактикалау өчен барлык шартлар да тудырылган. Шулай ук "ФАПлар төзү, сәламәтлек саклау объектларын капиталь ремонтлау" республика программасы кысаларында 2023 елда Тойма авылында модульле фельдшер-акушерлык пункты төзелде. Енабердинода 2022 елдан 2023 елга кадәр Ленин урамында тротуарлар төзү буенча эшләр алып барылды. Авыл җирлегендә тротуарлар төзү «Авыл территорияләрен төзекләндерү» федераль программасы ярдәмендә мөмкин булды. 2023 елның 1 сентябрендә Менделеевск районы башлыгы Радмир Беляев яңа «Беларус» тракторы ачкычларын Енабердино авыл җирлеге башлыгына тапшырды. Трактор грант ярдәме хисабына тапшырылган. Халык шәхси секторда терлек көтүе өчен урын бүлеп бирүгә, рейс автобусы хәрәкәтенә кагылышлы сораулар бирде. Җыен ахырында Радмир Илдар улы хезмәт алдынгыларын Рәхмәт хатлары белән бүләкләде.