Монашево авыл җирлегендә гражданнар җыены узды
Ростислав Иосифов билгеләп үткәнчә, авыл җирлеге составына биш торак пункт керә. "Бу райондагы иң зур территория, – диде Ростислав Феофанович. - Грант акчасына откан трактор зур ярдәм булып тора, ул кышкы вакытта һәр көн юлларны чистартуга чыга». Хисап чорында җыелган үзара салым акчасына Монашевода тукталыштан күпергә кадәр урам яктырту баганалары урнаштырылган, балалар мәйданчыгы әйләндереп алынган, Илнәттә хоккей мәйданчыгы җиһазландырылган, Актаҗикта чүп контейнерлары сатып алынган. 2024 елга бу линия буенча торак пунктның тормышын тәэмин итүгә кагылышлы берничә чара планлаштырылган. Район үсешенең төп күрсәткечләре һәм перспективалы планнары белән район башлыгы урынбасары Ләйсән Галиева таныштырды. "Безнең төп бурыч – махсус хәрби операциядә катнашучыларга һәм аларның гаиләләренә ярдәм итү, - дип билгеләп үтте Ләйсән Камил кызы. Монашевлылыра бу эштә актив: маскировка челтәрләре үреп, окоп шәмнәре ясыйлар, посылкалар җыялар. Очрашу ахырында Ләйсән Галиева авыл активистларына рәхмәт белдерде, барысына да имин тормыш теләде.