Татарстанда 1 миллион гектардан артык авыл хуҗалыгы җирләре тикшерелде
2023 елда җир законнарын үтәү өлкәсендәге бу һәм башка нәтиҗәләр белән Татарстан Росреестры уртаклашты.
Узган ел йомгаклары буенча Татарстан Росреестрының дәүләт җир инспекторлары контрольдә тотылган затлар белән үзара бәйләнешсез 10,5 меңгә якын контроль (күзәтчелек) чара үткәрде. Аларны үткәрү нәтиҗәсендә 8 меңнән артык кисәтү бирелгән.
Әйтик, Казанда җир законнарын бозуга юл куймау турында 900 дән артык кисәтү бирелгән. Муниципаль районнар арасында иң күп кисәтүләр Актаныш (354), Нурлат (306), Яр Чаллы (287), Түбән Кама (284), Биектау (261), Тукай (251), шулай ук Питрәч (247) районнарында бар.
Хокук бозуларның 90% ы – җирне үз белдеге белән алу, калган очраклар - максатсыз куллану.
Моннан тыш, традицион рәвештә җир күзәтчелеген гамәлгә ашырганда авыл хуҗалыгы билгеләнешендәге җирләрдә законнарны бозуга юл куймауга аерым игътибар бирелде. 2023 елда Татарстан Росреестры инспекторлары тарафыннан бер млн.гектардан артык мәйданда 3 меңнән артык авыл хуҗалыгы билгеләнешендәге җир кишәрлеге тикшерелде.
"Авыл хуҗалыгы җирләре буенча чараларның төп өлеше хокук ияләре белән үзара бәйләнешсез үткәрелде. Җирнең зур массивын тикшерүдә пилотсыз очу аппаратларын куллану зур ярдәм күрсәткән. Тикшерүләр барышында 200дән артык каты көнкүреш калдыклары чүплеге һәм 100дән артык карьер ачыкланган. Әмма төп нәтиҗә - 20 мең гектар авыл хуҗалыгы җирләре тәртипкә китерелде һәм әйләнешкә кертелде», - дип билгеләп үтте Татарстан Росреестры җитәкчесе урынбасары Линар Гатин.
Шулай ук ведомствода Россия Федерациясе территориясендә 2030 елга кадәр планлы тикшерүләрнең күпчелеген, шул исәптән дәүләт җир күзәтчелеге кысаларында үткәрелгәннәргә кичектереп тору гамәлдә булуын искәрттеләр. 2024 елда төп басым мәҗбүри таләпләрне бозуны профилактикалау буенча чаралар үткәрүгә ясалачак: контрольдә тотылган затлар җир законнары таләпләре турында хәбәр ителә, алар төгәл үтәлергә тиеш.
Моннан тыш, Росреестрның рәсми сайтында «Эшчәнлек - дәүләт күзәтчелеге - дәүләт җир күзәтчелеге» бүлегендә «мәҗбүри таләпләрне үтәүне мөстәкыйль бәяләү» бүлегендә җир кишәрлекләренең хокук ияләре һәм җирдән файдаланучылар өчен мәҗбүри таләпләрне үтәүне мөстәкыйль бәяләү өчен билгеләнгән сервис гамәлгә ашырылган.