Әлфия Когогина: треш-стрим күренешен юкка чыгарырга кирәк
Дәүләт Думасы депутаты, кече һәм урта эшкуарлык комитеты рәисенең беренче урынбасары Әлфия Когогина болай дип аңлатты: «Бүген кабул ителгән закон проекты мәрхәмәтсезлек сурәтләнгән фото һәм видео материаллар, законсыз гамәлләр яки аларга чакырулар кебек мәгълүмат категориясен тыйган. Роскомнадзор мондый контентны булдырган, тараткан сайтларны, туры эфирларны, социаль челтәрләрдәге битләрне оператив рәвештә ябып куя алачак. Треш-стрийм күренешен юкка чыгарырга кирәк.
Элегрәк беренче укылышта рәхимсез һәм әхлаксыз контент тарату өчен 700 мең сумга кадәр штрафлар һәм мөлкәтләрен конфискацияләү каралган треш-стрим өчен җәза турында ике закон проекты кабул ителгән иде. Җинаять кодексының ун статьясы буенча квалификацияләнгән һәм социаль челтәрләрдә халык алдында күрсәтү белән аңлы рәвештә җинаять кылуда гаепле дип танылган авырлаштыручы шартлар буенча җинаять җаваплылыгы көчәйтелгән. Суд өч елга кадәр интернет куллануны тыю рәвешендә чикләүләр кертә алачак.
Моннан тыш, закон проекты социаль челтәрләрнең үз-үзен көйләү элементларын кертә: аларның хуҗалары күрсәтелгән куркыныч контентны мониторинглаячак һәм ябачак.