Менделеевскида капиталь ремонттан соң ишегаллары ачылды.
Бурмистров урамы ишегалдында кунаклар территорияне төзекләндерүгә үз өлешләрен керттеләр һәм яңа агачлар утырттылар.
Яңа ишегаллары балалар өчен уен урыны гына түгел, ә һәр сабый ниндидер үзенчәлекле әйбер таба ала торган чын почмакка әверелде. Биналарның берсенең стенасында искиткеч матур картина — мурал чәчәк аткан, ул күз карашларын үзенә тарта һәм үтеп баручыларның карашларын шатландыра.
Халыкны шатлыклы вакыйга белән район башлыгы Радмир Беляев, ТР шәһәрләрен үстерү институты директоры Наилә Зиннәтуллина, «Безнең ишегалды» республика программасы кураторы Арина Петрова, ТР Дәүләт Советы депутаты, махсус хәрби операциядә катнашучы, Батырлык ордены кавалеры Эдуард Шәрәфиев котлады.
«Безнең ишегалды» программасын гамәлгә ашыру кысаларында ишегалларында асфальт алыштырылды, тротуарлар төзекләндерелде, яктырту җайланмалары, кече архитектура формалары, балалар һәм спорт җиһазлары урнаштырылды.