Менделеевскида "Пастернак укулары" фестиваленең яңа хедлайнеры билгеле булды
Россиянең халык артисты, атказанган артист Андрей Соколов «Пастернак укулары» фестиваленең хедлайнеры булачак. Ул Менделеевскида көмеш гасыр шигъриятен актерларча уку буенча махсус программа тәкъдим итәр дип көтелә.
Элегрәк билгеле булганча, Россиянең атказанган артисты Нина Шацкая Менделеевскида көмеш гасыр шагыйрьләре шигырьләренә романслар башкарачак, аларны танылган пианист, Россиянең атказанган артисты, композитор Александр Покидченко озата барачак. Сергей Алдонин «Мастер һәм Маргарита» легендар спектакленнән өзекләр тәкъдим итәчәк. Махсус программаны театр һәм кино актрисасы Елена Захарова тәкъдир итә.
2024 елда «Пастернак укулары» Халыкара әдәби-театр фестивале Менделеевскида 20-22 сентябрьдә узачак һәм Борис Пастернакка һәм шул чорның рус әдәбияты һәм мәдәниятенең күренекле шәхесләренә багышланачак: Анна Ахматова, Анастасия һәм Марина Цветаевлар, Владимир Маяковский, Александр Вертинский һәм башкалар.