2024 елның 2 декабре – мөлкәт салымнарын түләү срогы
Менделеевск районы администрациясе салым түләүчеләргә 2024 елның 2 декабрендә 2023 елга физик затлар милкенә салым, җир һәм транспорт салымнарын түләү срогы килеп җитүен җиткерә.
Россия Федераль салым хезмәте идарәсе мәгълүматлары буенча хәзерге вакытта 2023 ел өчен гражданнарның милек салымнарын түләү өчен салым белдерүләрен массакүләм тарату башланды.
Салым хәбәрнамәләрен тарату түбәндәге ысуллар белән гамәлгә ашырыла:
- Россия Федераль салым хезмәте сайтында «Физик затның салым түләүчесенең шәхси кабинеты» интернет-сервисы аша;
·- Бердәм дәүләт хезмәтләре порталы (ЕПГУ)аша;
- Россия почтасы.
Салымнарны алу һәм түләүнең иң уңайлы ысулы булып салым түләүченең шәхси кабинеты тора. Сервис салымнарны онлайн түләргә генә түгел, ә мөлкәт объектлары һәм исәпләнгән салым суммалары, шулай ук агымдагы сальдо, исәпләүләр һәм түләүләр турында мәгълүмат чагылдырылган салым хәбәрнамәсен карарга да мөмкинлек бирә. Бу мәгълүматны сервисның «түләүләр/операцияләр» өстәмә битендә табарга мөмкин.
Әгәр салым хәбәрнамәсен алган вакытта сез милек салымнарын түләгәнсез икән, салым органы бу түләүне исәпкә алачак. Бу сумма бердәм салым счетында 2024 елның 2 декабренә салым түләү вакытына кадәр «кичектерелгән артык түләү» буларак исәпләнәчәк.
Салымнарны шулай ук түләргә мөмкин:
·- бердәм дәүләт хезмәтләре порталы аша;
·- банкның теләсә кайсы бүлегендә;
* хәбәрнамәдә булган реквизитларның берсеннән файдаланып, түләү терминаллары яисә банкның мобиль кушымтасы аша.
2023 ел өчен салым хәбәрнамәләренең үтәлеше турында тулырак мәгълүматны Россия Федераль салым хезмәте сайтында "2024 салым хәбәрнамәсе" промобитендә яисә Россия Федераль салым хезмәте Бердәм контакт-үзәгенә 8-800-222-22-22 телефоны буенча шалтыратып алырга мөмкин.