2024 ел башыннан Россия Социаль фондының Татарстан Республикасы буенча бүлеге 7 меңнән артык татарстанлыны шифаханә-курорт дәвалануына юлламалар белән тәэмин итте
2024 ел башыннан республиканың 7 331 кешесе Россия Социаль фондының Татарстан буенча бүлегеннән шифаханә-курорт дәвалануына юллама алган.
Мондый ярдәмгә инвалидлар, Бөек Ватан сугышында катнашучылар, сугыш хәрәкәтләре ветераннары, «Блокададагы Ленинградта яшәүче», «Камалыштагы Севастопольдә яшәүче», «Камалыштагы Сталинградта яшәүче» тамгалары белән бүләкләнгән гражданнар, һәлак булган (вафат булган) сугыш инвалидларының гаилә әгъзалары, Чернобыль АЭСындагы һәлакәт нәтиҗәсендә радиация йогынтысына дучар булган гражданнар, шулай ук Семипалатинск полигонында атом-төш сынаулары, һәм аларга тиңләштерелгән гражданнар категорияләре.
"Медицина күрсәткечләре булганда юлламалар шифаханә-курорт дәвалану өлешендә Социаль хезмәтләр җыелмасын саклап калган ташламалы категорияле гражданнарга бирелә. Бу очракта гражданинга юллама белән бер үк вакытта дәвалану урынына бушлай бару һәм кайту өчен махсус талоннар яисә исемле юлламалар бирелә. Моннан тыш, Ітөркем инвалид гражданнарны һәм инвалид балаларны озатып йөрүчеләр дә дәвалану урынына һәм кире кайту өчен түләүсез юллама белән тәэмин ителә", - дип билгеләп үтте Россия Социаль фондының Татарстан Республикасы буенча бүлеге идарәчесе Эдуард Вафин.
Юллама алу өчен медицина оешмасыннан 070/ув белешмәсе сорап мөрәҗәгать итәргә һәм дәүләт хезмәтләре порталында, Татарстан Республикасы буенча социаль фонд бүлегенең клиент хезмәтендә яки якындагы күпфункцияле үзәккә юллама һәм йөрү өчен гариза бирергә кирәк.
Сорауларыгыз булса, Татарстан Республикасы буенча социаль фонд бүлекчәсенең Бердәм контакт-үзәге телефоны аша консультация ала аласыз: 8-800-1-00000-1.
Шулай ук актуаль яңалыклар белән Сез безнең социаль челтәрләрдә — ВКонтакте, Telegram Одноклассники таныша аласыз.