Ел башыннан Татарстанда 70тән артык күпфатирлы йорт кадастр исәбенә куелган

Агымдагы елның 8 ае эчендә Татарстан Республикасы буенча Росреестр Идарәсе тарафыннан Бердәм дәүләт күчемсез мөлкәт реестрына (ЕГРН) 73 күпфатирлы йортны (КФЙ) дәүләт кадастр исәбенә кую турында белешмәләр кертелде. Бу вакыт аралыгында исәпкә алынган объектларның гомуми мәйданы 712 мең квадрат метр тәшкил иткән.                 

Агымдагы ел башыннан күпкатлы йортлар Казанда (17 күпфатирлы йорт) һәм Биектау районында (13 күпфатирлы йорт) кадастр исәбенә куелган. Питрәч һәм Зеленодольск районнарында 10ар күпфатирлы йорт –  Яр Чаллыда - 8. Югары Осланда-5, Түбән Камада – 3,. 2шәр  – Әлмәт һәм Алексеевск районнарында. берәр  – Лаеш, Арча һәм Аксубай районнарында.

"Күпфатирлы йорт белән бер үк вакытта әлеге йортта урнашкан барлык күчемсез милек объектлары: торак һәм торак булмаган биналар, гомуми файдалану урыннары, булган очракта – машина урыннары һәм башка объектлар кадастр исәбенә куела. Шул ук вакытта күпфатирлы йортларны кадастр исәбенә кую срогы нибары 3 эш көне тәшкил итә», - дип хәбәр итте Татарстан Росреестры эксперты Алсу Сафина.

 Татарстан Росреестры мәгълүматларына караганда, бүгенге көнгә Бердәм дәүләт күчемсез мөлкәт реестрында гомуми мәйданы якынча 83,3 млн кв. м булган 23 483 күпфатирлы йорт турында мәгълүматлар бар.

Исегезгә төшерәбез, 2023 елның 1 сентябреннән капиталь төзелеш объектын эксплуатациягә кертүгә рөхсәт бирү турында карар кабул иткән дәүләт хакимияте һәм җирле үзидарә органнары кадастр исәбенә генә түгел, ә төзүчегә милек хокукын теркәүгә дә документлар тапшырырга тиеш. Законның гамәлдә булуы өлешчеләр һәм инвесторлар акчаларын җәлеп итмичә төзелә торган күчемсез милек объектларына кагыла.