Сыек комплекслы ашламалар куллануны киңәйтүгә багышланган республика семинар-киңәшмәсе
Менделеевск районында «Аммоний» АҖ базасында сыек комплекслы ашламалар куллануны киңәйтүгә багышланган республика семинар-киңәшмәсе узды.
Анда хуҗалыклар һәм агрохолдинглар җитәкчеләре, муниципаль районнарның авыл хуҗалыгы һәм азык-төлек идарәләре башлыклары катнашты.
Мәртәбәле кунаклар арасында Татарстан Республикасы Премьер-министры урынбасары — Татарстан Республикасы Авыл хуҗалыгы һәм азык-төлек министры Марат Җәббаров, «Аммоний» АҖ генераль директоры Дмитрий Макаров, Менделеевск районы башлыгы Радмир Беляев, «Аммоний Агротехнологии» ҖЧҖ директоры Александр Манакин бар иде.
Марат Җәббаров семинарда катнашучыларга мөрәҗәгать итте: "Коллегалар, бүген без нәкъ менә үсемлекчелек һәм терлекчелек белән җитди шөгыльләнүче хуҗалыкларны һәм җитәкчеләрне чакырдык. Аларҗентекләп өйрәнәләр һәм барлык сорауларга төшенәләр"»
Европадагы иң эре химия предприятиеләренең берсе булган «Аммоний» АҖ сыек ашламалар җитештерүне җайга салган. Продукция барлык кирәкле экспертизаларны узды һәм сертификатлар һәм сыйфат паспортлары алды.
Карбамид-аммиак катнашмасы, яки КАС — 32-үсемлекләрне азот белән нәтиҗәле туендыручы универсаль ашлама. Бу ашламаның төп өстенлекләре-ул эрегәндә туфрак дымын кулланмый диярлек һәм традицион ашламалардан тигезрәк кертелә.
Семинарда белгечләр КАС-32 куллануның нәтиҗәлелеге һәм планнары турында фикер алыштылар.
Менделеевски районы башлыгы Радмир Беляев: «Татарстан Республикасы территориясендә минераль ашламалар җитештерү буенча шундый куәтле завод булдыру — бик кыйммәт тора», - дип билгеләп үтте.
Семинардан соң катнашучылар сыек комплекслы ашламалар кертү, әзерләү һәм саклау өчен дилерлар һәм агрегатлар җитештерүчеләр экспозицияләрен карадылар. «Аммоний Агротехнологии» компаниясе саклау инфраструктурасын, КАС-32 ташу техникасын, шулай ук ашламалар кертү чараларын тәкъдим итте.
Белгечләр КАС-32 кабул итү/суырту һәм туфрактан үрнәкләр алу процессын ачык күрсәттеләр.
Чара ахырында йомгаклар ясалды.