Әлфия Когогина: кабул ителгән инициативалар законсыз миграциягә каршы тору буенча законнар кырын формалаштыра
Дәүләт Думасы законсыз миграциягә каршы көрәшкә юнәлдерелгән дүрт законны соңгы укылышта кабул итте.
РФ Дәүләт Думасы депутаты, кече һәм урта эшмәкәрлек комитеты рәисенең беренче урынбасары Әлфия Когогина: «Кабул ителгән инициативалар законсыз миграциягә каршы тору буенча закон чыгару кырын формалаштыра һәм бу өлкәдә җинаятьләр санын киметүгә юнәлдерелгән. Күзәтчелек һәм хокук саклау органнары, профильле министрлыклар безнең ил территориясендә чит ил гражданнарының хокукка каршы гамәлләренә каршы нәтиҗәле көрәш өчен мөмкинлекләр ала, шулай ук моңа булышлык күрсәтә».
Кабул ителгән законнар белән:
- арадашчы оешмаларга мигрантлардан имтиханнар кабул итүдә катнашу тулысынча тыелган;
- илебез территориясендә законсыз булган затның җинаять кылуы җәзаны авырайта торган хәл дип танылды;
-мигрантларга законсыз хезмәт күрсәтү һәм миграция статусын рәсмиләштерү өчен ялган документлар сату турындагы тәкъдимнәр булган интернет-ресурсларны судтан тыш блоклау кертелде. Социаль челтәр хуҗасы мондый мәгълүматны ачыклау максатларында контент мониторингын башкарырга тиеш;
- юридик затларга законсыз миграция оештыру максатларында ялган документлар ясаган, әзерләгән яки әйләнешкә керткән өчен штраф билгеләнгән хокук бозу коралларын конфискацияләү белән бергә 5-10 миллион сум штраф; кабат кылган өчен-10-60 миллион сум;
- оешкан төркем тарафыннан яисә авыр яисә аеруча авыр җинаятьләр кылу максатларында законсыз миграция оештыру аеруча авыр җинаятьләр исәбенә кертелде