Әлфия Когогина: Бюджет кабул ителде. Ул кешеләр өчен дә, кешеләр турында да.
Дәүләт Думасы «2025 елга һәм 2026-2027 елларның планлы чорына федераль бюджет турында»законны соңгы укылышта кабул итте.
РФ Дәүләт Думасы депутаты, кече һәм урта эшмәкәрлек комитеты рәисенең беренче урынбасары, «Эшмәкәрлек» федераль партия проекты координаторы Әлфия Когогина: «Бюджет кабул ителде. Ул кешеләр өчен дә, кешеләр турында да, тормышыбызның сыйфаты турында да. Саннар турында сөйләсәк, якындагы алты елда, алдагы чор белән чагыштырганда, илкүләм проектларны гамәлгә ашыруга чыгымнар ике тапкырга арта. Нәтиҗә буларак-дәүләтнең барлык социаль йөкләмәләрен үтәү".
Кабул ителгән федераль бюджет нигезендә ел саен бала туу һәм тәрбиягә бәйле пособиене 10 миллион бала тәрбияләүче гаиләләр алачак. 5,3 млн гаилә ана капиталы, 779 мең гаилә ташламалы гаилә ипотекасы, 662 мең гаилә өстәмә рәвештә 450 мең ипотека алачак. Төбәкләрдә 1600 шәһәр мохите проекты гамәлгә ашырылачак, 3 мең мәктәп автобусы сатып алыначак, 7 млн бала мәктәпләрдә бушлай тукланачак. Дәүләт хисабына авария хәлендәге фондтан күчерү өчен 16 млн квадрат метр торак төзеләчәк.