Әлфия Когогина: балаларны токсикоманиядән саклауда катгый һәм тайпылышсыз булырга кирәк
Дәүләт Думасы өченче укылышта балигъ булмаганнарга потенциаль куркыныч газлы көнкүреш товарларын сатуны тыючы закон кабул итте.
РФ Дәүләт Думасы депутаты, «Эшмәкәрлек» федераль партия проекты координаторы Әлфия Когогина болай дип шәрехләде: «Аритмия, кислород ачлыгы, сулыш кысылу, баш мие һәм үпкә шешүе һәм хәтта үлем – бүген балалар арасында киң таралган сниффинг шундый нәтиҗәләргә китерергә мөмкин. Бу ут кабызу, портатив газ плиткаларына ягулык салу өчен баллоннар кулланып токсикомания. Балаларны бу куркынычтан саклауда катгый һәм тайпылышсыз булырга кирәк"»
Тикшерү органнары мәгълүматлары буенча, 2016 елдан сниффингтан 800дән артык балигъ булмаган бала һәлак булган.
"Исегезгә төшерәм, элегрәк Дәүләт Думасы азот әчемәсен – «күңел ачучы газны" медицина һәм сәнәгать максатларында сатуны тыя торган законнар кабул итте, шулай ук аны куллануны пропагандалау өчен административ җаваплылык кертте», – дип билгеләде Когогина.
Закон балигъ булмаганнарга потенциаль куркыныч газлы көнкүреш товарларын сатуны (шул исәптән дистанцион ысул белән), шулай ук балаларда сыекландырылган углеводород газларын куллану теләген уятырлык мәгълүматны балалар арасында таратуны тыя.