Төзелеш объектларын йөреп чыгу
Бүген район башлыгы #командаМенделеевск белән бергә төзелеш объектларын тикшерде.
Хәзерге вакытта музейда фасадны ремонтлау, түбәләрне җылыту һәм алыштыру, электр үткәргечләрен яңарту, стена кирпечләрен торгызу, тарихи бизәкләрне реставрацияләү, тәрәзәләрне ремонтлау һәм эчке бизәү эшләре актив бара.
"Фаворит" ат спорты мәктәбе базасында эшләрнең беренче этабы тәмамланды. Киләсе елда фасадны ремонтлау һәм атларга күнегүләр өчен киртәләр кую планлаштырыла. Мәктәптә хәзер 48 укучы шөгыльләнә, ике тренер эшли, алар арасында яшь белгеч Кристина да бар. Ул мәктәпкә күптән түгел генә килгән иде. Район башлыгы символик рәвештә аңа яңа ияр тапшырды һәм яңа урында зур уңышлар теләде.
"Яшьлек" яшьләр үзәгендә ("Юность" кинотеатры) соңгы штрихлар кала. Кино залының стеналары матур төсләргә буялган, экран өчен каркас куелган һәм кабинетларга җиһазлар китерелгән. Күптән көтелгән ачылыш декабрьдә планлаштырылган.
Шулай ук "Юниор" лагереның төп бинасына капиталь ремонт ясау да төгәлләнү стадиясенә чыга. Биредә бизәү эшләре, җылыту һәм вентиляция системасы эше төгәлләнә, шулай ук видеокүзәтү урнаштырылган. Капиталь ремонтның беренче этабы тәмамлануга якынлаша.
Аннары делегация Тукай урамында төзелә торган йортлар мәйданчыгында булды. Биредә ике 60 фатирлы биш катлы йорт урнашачак. Йортта 1, 2 һәм 3 бүлмәле фатирлар булачак. Хәзерге вакытта төзелеш мәйданчыгы чистартылган, якын арада субайлар кагу эшләре башланачак.