Әлфия Когогина: федераль бюджетта якындагы өч елга кече һәм урта эшмәкәрлек үсешенә 178 млрд. сум каралган
"БЕРДӘМ РОССИЯ" партиясенең "Эшмәкәрлек" федераль проектының агымдагы бурычлары һәм йомгаклары турында» селектор киңәшмәсе барышында проект координаторы, РФ Дәүләт Думасы депутаты Әлфия Когогина хәбәр итте: «федераль бюджетта якындагы өч елга кече һәм урта эшмәкәрлекне үстерүгә 178 млрд сум акча каралган. Моннан тыш, кече һәм урта эшмәкәрлеккә ярдәм итү инструментлары төрле илкүләм проектларда булачак. Мәсәлән, «мәгълүматлар икътисады»нда ясалма интеллект кулланып продуктлар эшләү, куллану буенча кече предприятиеләр проектларын гамәлгә ашыру планлаштырыла. «Университет технологик эшкуарлыгы платформасы» федераль проекты кече технологик компанияләргә ярдәм итүне үз эченә ала. Шулай ук булачак «хезмәт җитештерүчәнлеге» федераль проектларында эшмәкәрләргә белем бирү һәм субсидияләр каралган».
"Эшмәкәрлек" федераль партия проекты бу өлкәдә Президент йөкләмәсен гамәлгә ашыруны үз контроленә алачак. Моннан тыш, киләсе елда берничә белем бирү программасын гамәлгә ашыру планлаштырыла, шул исәптән беренчеләрдән – махсус хәрби операция ветераннары һәм аларның авылда эшмәкәрлек белән шөгыльләнергә җыенучы гаилә әгъзалары өчен авыл хуҗалыгы министрлыгы һәм Россельхозбанк белән берлектә эшләнгән белем бирү модуле», – дип өстәде Когогина.
Утырышта «Кече һәм урта эшмәкәрлек корпорациясе» статс-секретаре – генераль директоры урынбасары Наталья Коротченкова, Россия икътисадый үсеш министрлыгының стратегик үсеш һәм инновацияләр департаменты директоры Валерия Воробьева, Россельхозбанкның финанс технологияләрен үстерү үзәге идарәче директоры Михаил Ковалев, партия проектының төбәкләрдәге иҗтимагый советлары координаторлары һәм рәисләре катнашты.
"Эшмәкәрлек" федераль партия проекты «Бердәм Россия» Генсоветы Президиумы тарафыннан 2022 елда расланган. Аның төп бурычы-эшкуарлык эшчәнлеген алып бару шартларын яхшыртуга, эш урыннарын саклап калуга, гражданнарның керемнәрен арттыруга һәм бу өлкәдә норматив-хокукый җайга салуны камилләштерүгә юнәлдерелгән чаралар комплексын эшләү һәм гамәлгә ашыру.