Әлфия Когогина Менделеевск районы Камай мәктәбе укытучысына исемле премия тапшырды
Татарстан Республикасы Менделеевск муниципаль районында "иң яхшы сыйныф" конкурсына йомгак ясалды.
Проект ел саен РФ Дәүләт Думасы депутаты Әлфия Когогина ярдәме белән тормышка ашырыла: «Сыйныф җитәкчеләре – барлык укытучылар арасында иң якыннары, һәрвакыт үз укучылары янында, шуңа күрә мин бу проектны бик теләп хуплыйм. Минем инициативаның төп максаты-укытучы статусын күтәрү, шулай ук укучылар һәм аларның ата – аналары иң яхшы сыйныф җитәкчеләренә рәхмәт белдерү өчен тагын бер мөмкинлек алу», - дип билгеләде парламентарий.
Конкурс «Менделеевск яңалыклары»район газетасы коллективы белән берлектә үткәрелә. Беренче этап барышында халык иң яхшы сыйныф җитәкчесе исеменә кандидатлар тәкъдим итә, мәктәп еллары турындагы иң җылы хатирәләре белән уртаклаша, укытучыларына ярдәм йөзеннән фотосурәтләр куя, аннары күп санлы укучылар һәм аларның ата-аналары тәкъдим иткән финалга чыгучылар өчен тавыш бирә.
Быел тавыш бирүдә Камай төп гомуми белем бирү мәктәбе укытучысы Айрат Миңнәхмәтов лидер булды. Ел йомгаклары буенча район мәдәният йорты сәхнәсендә узган тантаналы чара барышында Әлфия Когогина җиңүчегә исемле премия һәм Дәүләт Думасы депутатының Рәхмәт хатын тапшырды.
Конкурсның барлык финалистларына шулай ук Дәүләт Думасы депутатының Рәхмәт хатлары, чәчәкләр һәм истәлекле бүләкләр тапшырылды. Финалга Валентина Антонова, Татьяна Васильева һәм Оксана Нагиева (Енабердино мәктәбе), Гөлназ Салихова (Бәзәкә мәктәбе), Кристина Пантелеева («Мирас» татар гимназиясе) һәм Елена Кузнецова (2 нче урта мәктәп) чыктылар.