Әлфия Когогина: кабул ителгән инициатива гражданнарны кредит алырга мәҗбүр итүче мошенниклардан яклауга юнәлдерелгән.
Дәүләт Думасы беренче укылышта кулланучылар кредиты (займ) шартнамәләре төзүгә һәм клиентның акчаларын аның ихтыяри ризалыгыннан башка яки ялган тәэсирендә яки ышанычны явызларча файдаланганда алынган ризалыгыннан башка кулланып операцияләр башкаруга каршы тору механизмнарын булдыру турында закон проектын кабул итте.
Дәүләт Думасы депутаты, «Эшмәкәрлек» федераль проект координаторы Әлфия Когогина: «Кабул ителгән инициатива гражданнарны кредит алырга мәҗбүр итүче мошенниклардан яклауга юнәлдерелгән. Россия Банкы мәгълүматлары буенча, 2024 елда алданган гражданнарга бирелгән заем акчаларының яртысы җинаятьчеләргә алынганнан соң ук тапшырылган, ә урлаулар суммасы 2,6 тапкырга арткан. Финанс операцияләре башкарылмаячак «суыту чоры» билгеләргә тәкъдим ителә: 4 сәгать — 50 меңнән 200 мең сумга кадәр; 48 сәгать — 200 мең сумнан соң өчен. Әгәр карар мошенниклар басымы астында кабул ителгән икән, бу вакыт эчендә гражданнарның заем акчаларын алудан баш тарту, кредит алу зарурлыгын һәм үз түләү сәләтен бәяләү мөмкинлеге барлыкка киләчәк».
Шулай ук закон проекты тарафыннан кредит һәм микрофинанс оешмалары өчен операцияләр һәм транзакцияләр үткәргәндә мошенниклык предметына өстәмә тикшерү чараларын башкару буенча кайбер бурычлар кертелә.