Менделеевскида Ватанны саклаучылар елын һәм Бөек Ватан сугышында Җиңүнең 80 еллыгын тантаналы рәвештә ачтылар

2025 елның 24 гыйнвары, җомга

Кичә С.Гассар исемендәге мәдәният йортында бәйрәм чарасы узды.

Концерт алдыннан чарада катнашучылар күргәзмә эше белән таныша алдылар. Ул тарихыбызның төрле чорларында Ватанны саклауда торган Менделеевск районы хәрбиләренә багышланган иде. 

Аннары концерт залында шәһәр халкын һәм кунакларны район башлыгы урынбасары Ләйсән Галиева һәм махсус хәрби операция катнашучысы, Батырлык ордены кавалеры, ТР Дәүләт Советы депутаты Эдуард Шәрәфиев сәламләде.

Ә соңыннан Россия җирен саклаучыларга - Бөек Ватан сугышы ветераннарына, Әфганстан, Чечня ветераннарына, махсус хәрби операция сугышчыларына багышланган концерт булып узды.