Әлфия Когогина: газлы куркыныч товарлар кулланудан балаларны яклауны закон нигезендә көчәйтәбез
Дәүләт Думасы административ хокук бозулар турындагы кодекска балаларны газлы куркыныч товарлар кулланудан яклауны көчәйтә торган үзгәрешләрне соңгы укылышта кабул итте.
РФ Дәүләт Думасы депутаты, кече 1әм урта эшмәкәрлек буенча комитет рәисенең беренче урынбасары, «Бердәм Россия» партиясенең «Эшмәкәрлек» федераль проекты координаторы Әлфия Когогина: «Закон бертавыштан кабул ителде. Без барыбыз да балаларыбызның гомерен һәм сәламәтлеген саклап калырга, зажигалкалар, баллоннар һәм газлы башка көнкүреш әйберләре кулланып, токсикоманиядән саклап калырга кирәклеген аңлыйбыз».
Закон белән балигъ булмаганнарга Россия Федерациясе Хөкүмәте тарафыннан расланган исемлеккә кертелгән көнкүреш билгеләнешендәге потенциаль куркыныч газлы товарларны саткан өчен, балигъ булмаганнарга тәмәке продукциясен, тәмәке әйберләрен, никотинлы продукцияне яисә аларны җитештерү өчен чималны, кальяннарны, куллану өчен җайланмаларны саткан өчен гамәлдәге административ җаваплылыкка охшаш административ җаваплылык билгеләнә.
Шулай итеп, штрафлар:
физик затлар өчен-60 мең сумга кадәр;
вазыйфаи затлар өчен-300 мең сумга кадәр;
юридик затлар өчен-600 мең сумга кадәр.
Канун 2025 елның 1 сентябреннән үз көченә керә.