Әлфия Когогина: медицина хезмәткәрләренең белем алуына иң кырыс һәм төпле караш булырга тиеш, кешеләрнең сәламәтлеге һәм тормышы шуңа бәйле
Дәүләт Думасы «Россия Федерациясендә мәгариф турында» Федераль законга медицина белеменең сыйфатын күтәрүгә юнәлдерелгән үзгәрешләрне беренче укылышта кабул итте.
РФ Дәүләт Думасы депутаты, «Эшмәкәрлек» федераль проектның координаторы Әлфия Когогина: «Сәламәтлек саклау өлкәсе хезмәткәрләренең белем алуына һәм квалификациясен күтәрүгә якын килү иң кырыс һәм нигезле булырга тиеш – кешеләрнең сәламәтлеге һәм тормышы шуңа бәйле», - дип шәрехләде.
Документ нигезендә медицина белеменең типик өстәмә һөнәри программаларын эшләү һәм раслау белән бары тик РФ Сәламәтлек саклау министрлыгы гына шөгыльләнәчәк.
Моннан тыш, белем бирү эшчәнлеген гамәлгә ашыручы оешмалар Сәламәтлек саклау өлкәсендә күзәтчелек буенча федераль хезмәтнең тиешле бәяләмәләрен алырга тиеш булачак. Югыйсә алар укучыларны башка белем бирү оешмаларына күчерүне тәэмин итәргә мәҗбүр булачак.
Шулай ук закон проекты урта медицина һәм фармацевтика белеменең төп программаларын гамәлгә ашырганда фәкать электрон һәм дистанцион укытуны куллануны тыюны тәкъдим итә.