Менделеевск районы 1 урынны алды!
ТР Хөкүмәте Йортында узган республика киңәшмәсендә Татарстанның муниципаль берәмлекләре, предприятиеләре һәм оешмалары арасында иң яхшы Яңа ел чарасына һәм бәйрәм бизәлешенә XII республика конкурсына йомгак ясалды.
Һәм без Менделеевск муниципаль районының «Төньяк-көнчыгыш зона буенча Татарстан Республикасы муниципаль районнарында үзәк Яңа ел чыршысын иң яхшы бизәү һәм Яңа ел чараларын уздыру» номинациясендә 1 урынны алуын хәбәр итәбез!
Шунысын да билгеләп үтәсе килә, Камай авыл җирлеге «Үзәк Яңа ел чыршысын иң яхшы бизәү һәм җирлекләрдә биш зона төркеме буенча яңа ел чараларын үткәрү»номинациясендә 3 нче урынны алды.
Бу бәйгедә 42 муниципаль район һәм 2 шәһәр округы катнашты, һәм без районыбызның шундый көчле көндәшләр арасында аерылып торуы белән горурланабыз. Бүләкләрне Татарстан Рәисе Рөстәм Миңнеханов тапшырды, ул мондый конкурсларда катнашуның һәр муниципалитет өчен мөһимлеген ассызыклады һәм аларның комиссия әгъзаларына гына түгел, ә бу территориядә яшәүче кешеләргә дә кирәклеген билгеләп үтте.
Районыбызның бәйрәм кәефен күтәрүдә һәм бизәүдә катнашкан һәркемгә рәхмәт!