"Яшәү өчен уңайлы мохит"
Район Башлыгы Радмир Беляев «Яшәү өчен уңайлы мохит» стратегик сессиясендә спикер сыйфатында катнашты.
Үзенең чыгышында ул моношәһәрнең шәһәр мохитен комплекслы үзгәртүдә безнең район тәҗрибәсе белән уртаклашты, яшәү өчен уңайлы һәм кызыклы киңлекләр булдыруны күрсәтте.
Радмир Илдар улы илкүләм проектларны финанслау, «Аммоний» шәһәр төзүче предприятиесеннән шәхси инвестицияләр һәм республика программалары ярдәмендә гамәлгә ашырылган проектларны тәкъдим итте. Ул Менделеевск буенча виртуаль экскурсия уздырды, соңгы елларда башкарылган эшләр турында сөйләде.
-Без "Дуслык" паркыннан башладык, аннары Интернационалистлар бульвары буйлап үттек, Хәтер аллеясында булдык, "Атмосфера" гөмбәзе янында туктадык һәм велосипед юлы маршруты буйлап уздык. Химикя-технология лицее, “Мирас” татар гимназиясе, “Яшьлек” яңартылган яшьләр үзәге һәм “Тын таулар” пляжы кебек мөһим урыннарны да игътибарсыз калдырмадылар.
Безнең үзгәртеп коруларның уңышы менделеевскилыларның яңа объектларга булган мәхәббәте белән генә түгел, ә аларның кунакларны һәм бизнесны җәлеп итүе белән дә раслана. Безнең шәһәрдә заманча каһвәханәләр, федераль фаст-фуд һәм фуд-траклар барлыкка килде. Шулай ук Кама ярында «Ак лалә» спа-үзәге булган биш йолдызлы глэмпинг-парк төзелеше дә актив бара.