Россия Социаль фондының Татарстан Республикасы буенча бүлеге көндезге бүлектә укучы студентларга эшкә урнашканда пенсияләрен түләүне дәвам итәчәк
Җәйге вакытлыча эшләү көндезге уку формасындагы студентларга 23 яшькә җиткәнче туендыручысын югалту уңаеннан иминият яки социаль пенсия алу өчен киртә булып тормый.
Туендыручысын югалту буенча иминият яки социаль пенсия алучы һәм 18 яшькә җиткән мәктәпне тәмамлаучыларга пенсия автомат рәвештә 31 августка кадәр түләнәчәк. Укучы югары уку йортына яки көллияткә көндезге уку формасына кергән очракта, түләүне озайту өчен, аларга уку йортыннан тиешле документларны Россия Социаль фондының Татарстан Республикасы буенча бүлегенең клиент хезмәтенә тапшырырга кирәк булачак.
Пенсиягә федераль социаль өстәмә алучы студентларга эшкә урнашу чорына ул түләнмәячәк. Шуның белән бергә, законда искәрмәләр дә каралган: пенсиягә федераль социаль өстәмә түләү инвалид балаларга, көндезге формада белем алучы балачактан инвалидларга укуны тәмамлаганчы туктатылмый, әмма алар 23 яшькә җиткәннән дә озаграк түгел.
Шулай ук мәшгульлек хезмәте юлламасы буенча вакытлыча эшкә урнашу чорында, мәшгульлек хезмәте юлламасы буенча җәмәгать эшләрендә катнашу чорында һәм каникул вакытында хезмәт килешүләре буенча студентлар отрядларында башкарган эшчәнлеге өчен түләүләр алу чорында туендыручысын югалту буенча иминият яки социаль пенсия алучыларга федераль социаль өстәмә түләү дәвам итәчәк.
Хезмәт эшчәнлеге очрагында көндезге бүлектә укучыларга Россия Социаль фондының Татарстан Республикасы буенча бүлегенең клиент хезмәтенә белешмәләр бирергә кирәк. Мәгълүматларның үзгәрүе турында шулай ук читтән торып уку формасына күчкән яки укуны туктаткан очракта да хәбәр итәргә кирәк.
Сорауларыгыз калса, сез 8-800-100-00-01 Бердәм контакт-үзәктә консультация ала аласыз.