Менделеевск районы оешмалары һәм шәхси эшмәкәрләр вәкилләре семинары
2025 елның 16 июле 14:00 сәгатьтә Татарстан Республикасы буенча Россиянең 9нчы районара салым инспекциясе хезмәткәрләре Менделеевск районы оешмалары һәм шәхси эшмәкәрләре вәкилләрен түбәндәге адрес буенча гадиләштерелгән автоматлаштырылган салым системасын куллану мәсьәләләре буенча семинарга чакыралар: Менделеевск шәһәре, Фомин урамы, 7 йорт.
Семинар барышында салым хезмәте хезмәткәрләре гадиләштерелгән автоматлаштырылган салым системасына күчүнең өстенлекләре һәм төп шартлары турында җентекләп сөйләячәкләр, шулай ук катнашучыларның сорауларына җавап бирәчәкләр.
Исегезгә төшерәбез, 2025 елның 1 гыйнвареннан гадиләштерелгән автоматлаштырылган салым системасын яисә һөнәри керемгә салымны кулланган салым түләүчеләр теләсә кайсы ай башыннан, федераль салым хезмәте сайтындагы Шәхси кабинет аша яки банк аша махсус режимга күчү аена кадәрге айның соңгы көненнән дә соңга калмыйча гадиләштерелгән автоматлаштырылган салым системасына күчә алалар.