Менделеевскидан тәрбияче Айгөл Корбанова Россиянең иң яхшы 15 укытучысы исемлегенә керде
Айгөл Корбанова «Иң яхшы туган тел һәм әдәбият укытучысы» Бөтенроссия конкурсының финал сынаулары нәтиҗәләре буенча илдә иң яхшы 15 укытучының берсе булды.Бу көннәрдә мәртәбәле сынау Улан-Удэда (Бурятия Республикасы) уза.
Иң яхшы исем өчен көрәштә Россиянең төрле төбәкләреннән 31 педагог катнашты. Айгөл Корбанова «Мәктәпкәчә яшьтәге балаларның туган телен үстерүнең иң яхшы тәҗрибәләре»номинациясендә Татарстан Республикасын тәкъдим итте. Беренче туры турда ул "Тәрбияләнүчеләр белән белем бирү чарасы" уздырды, анда югары һөнәри осталык күрсәтте һәм финалистлар рәтенә керде.
Инде бүген, 11 сентябрьдә, безнең педагогка яңа сынау - «Мәгърифәтчелек чарасы» булачак.
Айгөл Хәлим кызына уңышлар, районыбызның һәм республикабызның Бөтенроссия дәрәҗәсендә лаеклы чыгыш ясавын телибез!