Әлфия Когогина: лифтларга хезмәт күрсәтүне камилләштерү турындагы Закон халыкны мошенниклардан һәм бер көнлек фирмалардан саклый
Дәүләт Думасы өченче укылышта күпфатирлы торак йортларда лифтларны һәм лифт җиһазларын эксплуатацияләү һәм техник хезмәт күрсәтү тәртибен камилләштерергә тиешле закон кабул итте.
РФ Дәүләт Думасы депутаты, «Бердәм Россия» партиясенең «Эшмәкәрлек» проектының федераль координаторы Әлфия Когогина болай дип шәрехләде: «Бүген лифтларга агымдагы ремонт һәм авария-диспетчерлык хезмәте күрсәтүгә карата катгыйрак таләпләр куела торган закон кабул ителде. Беренче чиратта, ул халыкны мошенниклардан, бер көнлек фирмалардан саклый. Закон кертелү белән эшләргә федераль исемлеккә кертелгән компанияләр генә кертеләчәк, шул рәвешле бу торак эксплуатациясе базары профессионаллары булачак».
Закон нигезендә, эшкә федераль махсуслаштырылган лифт оешмалары исемлегенә кертелгән һәм идарәче компания яки торак кооперативы белән эшләр башкару турында килешүгә кул куйган компанияләр яки шәхси эшмәкәрләр генә кертеләчәк.
Моннан тыш, төзүчедә, торак милекчеләре ширкәтендә, идарәче компаниядә, торак кооперативында лифт урнашкан күпфатирлы йортны файдалануга тапшыруга рөхсәт бирелгән очракта, шулай ук лифтны алмаштыру эшләрен кабул итү актына кул куйганда тиешле реестрга кертелгән оешма яисә шәхси эшмәкәр белән килешү төзү бурычы туачак.
Күпфатирлы йортларда лифтларга хезмәт күрсәтүгә махсуслаштырылган оешмаларны җәлеп итү тәртибен, реестрны алып бару тәртибен, килешү төзү һәм өзү тәртибен һәм хезмәтләрнең минималь исемлеген кертеп, Хөкүмәт билгеләячәк.