Әлфия Когогина: Татарстан укучылары дүрт урынына ике төп дәүләт имтиханы йомгаклары буенча көллияткә керә алачак
Дәүләт Думасы "Урта һөнәри белем алу мөмкинлеген киңәйтү буенча эксперимент үткәрү турында" законга төзәтмәләр кабул итте.
РФ Дәүләт Думасы депутаты, «Бердәм Россия» партиясенең «Эшмәкәрлек» федераль проекты координаторы Әлфия Когогина: «Закон Россиянең технологик суверенитетын тәэмин итү өчен кирәкле профессиональ кадрларны алга таба формалаштыру өчен техникумнарга һәм көллиятләргә керүчеләр санын арттыруга юнәлдерелгән. Документ өстендә эшләү барышында без Хөкүмәт инициативасын хупладык, Урта һөнәри белем алу мөмкинлеген киңәйтү буенча экспериментны 2029 елга кадәр озайттык һәм, РФ субъектлары үтенече буенча, катнашучы төбәкләр санын арттырдык».
Документ белән 2029 елга кадәр урта һөнәри белем бирү базасында укуларын дәвам итәргә, төп дәүләт имтиханын дүрт фән урынына ике фән-рус теле һәм математика буенча гына тапшырырга карар кылган 9 нчы сыйныф укучылары өчен мөмкинлекне озайтырга тәкъдим ителә.
Сынауда 12 төбәк катнашачак: экспериментта уңышлы катнашкан Мәскәү, Санкт-Петербург һәм Липецк өлкәсе, шулай ук Татарстан Республикасы, Камчатка крае, Ханты-Мансийск автономияле округы – Югра, Мәскәү, Мурманск, Смоленск Ростов, Тверь һәм Төмән өлкәләре.