Мәгариф идарәсенең йомгаклау киңәшмәсе
Киңәшмә башында Татарстан Республикасының социаль-икътисадый үсеше турында Ростехнадзорның Идел буе идарәсе җитәкчесе урынбасары Әлфир Идиятуллин сөйләде.
Алга таба 2025 елдагы эшчәнлек нәтиҗәләре турында мәгариф идарәсе башлыгы Рәис Нәҗипов чыгыш ясады.
Мәгариф учреждениеләрендә 862 кеше эшли, шуларның 522се педагоглар. 253 педагогик хезмәткәрнең лаеклы исемнәре һәм бүләкләре бар. 2025 елның мөһим вакыйгасы - 12 нче «Кечкенә гений» балалар бакчасы мөдире Газизова Татьяна Вениаминовнага «Татарстан Республикасының атказанган укытучысы» исеме бирелү.
Өч мәктәпкәчә белем бирү учреждениесе, бер мәктәп һәм «Менделеевск үзәне» балалар һәм яшүсмерләр компетенцияләре үзәге «Татнефть» ГАҖ компаниясе һәм беренчеләр хәрәкәте грантларына ия булдылар.
Менделеевск районында сыйныф җитәкчеләренә ярдәм итү максатыннан «Иң шәп сыйныф җитәкчесе" проекты гамәлгә ашырыла, аның җиңүчесе РФ Дәүләт Думасы депутаты Әлфия Когогинадан 50 000 сумга акчалата сертификат ала.
2025 елда мәгариф оешмаларын финанслау 151 миллион сум тәшкил итә. Акчаларның төп өлеше:
- 12 нче "Кечкенә гений» балалар бакчасын капиталь ремонтлау һәм химия лабораториясе белән тәэмин итү
- Камай мәктәбендә азык-төлек блогын ремонтлау
- Советлар Союзы Герое М. С. Фомин исемендәге 1 нче мәктәптә санузелларны ремонтлау, физика һәм химия кабинетларына лаборатория җиһазлары сатып алу
- Д. Г. Щербаков исемендәге Тихоново мәктәбендә тәрәзәләрне алыштыру
Шулай ук мәгариф оешмалары инфраструктурасын яңарту һәм модернизацияләү «Яшьләр һәм балалар», «Тормыш өчен инфраструктура» илкүләм проектлар кысаларында башкарылды.
2025 елда 7 нче «Алтын балык» балалар бакчасында мәктәпкәчә яшьтәге балалар арасында беренче «Киләчәккә старт» район олимпиадасы узды. 2 нче «Әкият» балалар бакчасында шәһәрнең мәктәпкәчә учреждениеләрендә тәрбияләнүчеләр арасында юл хәрәкәте иминлеге буенча беренче район олимпиадасы узды.
Мәктәп укучылары 2025 елда, 2023 ел белән чагыштырганда, республика дәрәҗәсендәге олимпиадаларда җиңүчеләр һәм призерлар санын 3 тапкырдан күбрәкккә арттыра алдылар.
1 нче мәктәп «Олимпка юл» республика олимпиадасында җиңүчеләр һәм призерлар саны буенча Татарстанның иң яхшы ун мәктәбенең берсе булды.
Бөтенроссия тикшерү эшләре нәтиҗәләре буенча 1 нче Гимназия Рособрнадзорның «Югары бәяләү культурасы» сыйфат билгесенә лаек булды.
Шулай итеп, узган ел Менделеевск мәгариф системасы үсешенең мөһим этабына әверелде. Йомгаклау күрсәткечләре тармакның тотрыклы торышы һәм аның алга таба үсешенең уңай динамикасы турында сөйли.