2026 елның 1 гыйнварыннан Татарстан Республикасында үзмәшгульләр өчен ирекле социаль иминиятләштерү буенча эксперимент башланды
2026 елның 1 гыйнварыннан Россиядә үзмәшгульләргә вакытлыча эшкә яраксызлык буенча түләүләр алу өчен социаль иминиятләштерү системасына ирекле кушылырга мөмкинлек бирә торган эксперимент башланды.
Катнашу өчен Россиянең социаль фондына «Дәүләт хезмәтләре» порталында гариза бирергә кирәк. Моны теләсә кайсы төбәктән эшләргә була, ә теркәлгәннән соң кеше яшәү урыны буенча рәсмиләштереләчәк. Ана булу белән бәйле пособиеләр (декрет, бала карау буенча пособие) әлеге система кысаларында бирелми — ул авыру буенча түләүләргә генә кагыла.
Үзмәшгуль кеше иминият суммасының күләмен сайлый ала — елына 35 000 яки 50 000 сум. Хезмәт өчен түләүнең минималь күләме үзгәргәндә, суммалар автомат рәвештә төзәтелә. Иминият кертеменең күләме сайланган сумманың 3,84% тәшкил итә, бу 35 000 сум булганда аена 1 344 сум һәм 50 000 сум булганда 1 920 сум тәшкил итә. Кертемнәр гариза биргәннән соң киләсе айдан исәпләнә башлый. Аларны ай саен яки берьюлы берничә ай эчендә түләргә мөмкин, ләкин 12 айдан да артмаска тиеш.
Вакытлыча эшкә сәләтсезлек буенча пособиегә хокук алты ай өзлексез кертемнәр түләгәннән соң барлыкка килә. Түләү күләме иминият стажына, ялланып алдагы эшне дә кертеп, һәм кешенең системада ничә ай катнашуына бәйле:
8 ел һәм аннан да күбрәк стаж: 12 айдан артык кертемнәр түләгәндә пособие иминият суммасының 100% тәшкил итә; 6-12 ай булганда — 70 %.
5-8 ел стаж булганда: 12 айдан артык булганда иминият суммасының 80%ы, 6-12 ай булганда 70% ы
5 елдан да кимрәк стаж: 12 айдан артык булганда иминият суммасының 60 % ы, 6-12 ай булганда 70%ы .
"Мәсәлән, 8 ел стажы булган үзмәшгуль Сергей Иванов еллык суммасы 35 000 сум булган ирекле иминиятләштерүгә тоташкан. Җиде айлык кертемнәрдән соң ул 7 көн авырый. Пособие аена 24 500 сум яки 7 көндә 5 717,69 сум тәшкил иткән. Түләү хастаханә язуы ябылганнан соң 10 эш көне эчендә башкарыла, әгәр үзмәшгуль кеше «Минем салым» мобиль кушымтасы яисә «Дәүләт хезмәтләре» порталы аша акча күчерүгә алдан ризалык биргән булса», — диде Россия Социаль фондының Татарстан Республикасы буенча бүлеге идарәчесе Эдуард Вафин.
Эксперимент 2026 елның 1 гыйнварыннан 2028 елның 31 декабренә кадәр дәвам итәчәк, ә тоташтыруга гаризаны 2027 елның 30 сентябреннән дә соңга калмыйча бирергә кирәк.
Махсус салым режимы буенча эшләүче үзмәшгульләр нәрсә уңайлырак икәнен сайлый алалар — яңа экспериментка кушылырга яки ирекле иминиятләштерүнең гадәти системасын куллануны дәвам итәргә.
Социаль ярдәм чаралары, Россия Социаль фондының Татарстан Республикасы буенча бүлегенең түләүләре һәм хезмәт күрсәтүләре турында тулы һәм дөрес мәгълүматны Россия Социаль фонды сайтында һәм социаль челтәрләрдәге рәсми аккаунтларда: ВКонтактеда, Одноклассники һәм Телеграмда табарга мөмкин.
Өстәмә мәгълүмат яисә консультация алу өчен гражданнар Бердәм контакт-үзәк операторларына мөрәҗәгать итә алалар— 8 800 100 0001 (төбәк линиясе тәүлек буе эшли – 24/7, шалтырату бушлай).