Татарстан Республикасы территориясендә куркыныч һәм уңайсыз күренешләр турында давыл кисәтүе 16 февраль кичендә, 2026 елның 17 февралендә тәүлек дәвамында Татарстан Республикасы территориясендә кар, юеш кар рәвешендә көчле явым-төшем, кайбер районнарда яңгырлы бураннар, күз күреме 500 метрга кадәр һәм аннан да азрак начараю,  секундына 17-22 метр тизлектә көчле җил,  урыны белән бозлавык, юлларда кар көртләре һәм көчле бозлавык көтелә. 2026 елның 16 февралендә кичен һәм 17 февралендә төнлә урыны белән Татарстанның көнбатыш яртысында һәм Казанда 20 мм һәм аннан да күбрәк кар явуы көтелә.

Хөрмәтле гражданнар! "Татарстан Республикасы гидрометеорология һәм әйләнә-тирә мохитне мониторинглау идарәсе" федераль дәүләт бюджет учреждениесеннән 2026 елның 16-17 февралендә Татарстан Республикасы территориясендә һава шартларының сизелерлек начараюы турында консультация килде. 16 февральдә төнлә Татарстан Республикасы территориясендә урыны белән күз күреме 1-2 км га кадәр начараеп торган буран, бозлавык, җил секундына 16 метрга кадәр сакланачак.16 февральдә көндез һәм 17 февральдә, Россиянең Европа территориясенә актив көньяк циклон чыгу сәбәпле, Татарстан Республикасында һава шартларының сизелерлек начараюы фаразлана. Кар, юеш кар рәвешендә көчле явым-төшем, кайбер районнарда яңгырлы бураннар, күз күреме 500 метрга кадәр һәм аннан да азрак начараю, урыны белән бозлавык һәм көчле җил секундына 15-20 метр тизлектә, юлларда көчле бозлавык, кар көртләре көтелә. Исәпләүләр буенча, бу чорда күпчелек территориядә явым-төшем күләме 15-25 мм тәшкил итәргә мөмкин, бу айлык норманың 50-100% туры килә. Катнаш характердагы көчле явым-төшемнәр бина түбәләреннән һәм башка авыш өслекләрдән кар һәм боз төшүгә китерергә мөмкин.

2026 елның  14 феврале 18.00 сәгатьтән 15 феврале 18.00 сәгатькә кадәр  метеорологик күренешләрнең киеренкелеге турында консультация-кисәтү

.