Татарстан Росреестрына юридик затлардан 134 меңнән артык электрон гариза кергән
2026 елның мартында юридик затлар һәм теркәү органы арасында үзара хезмәттәшлекнең йөз процент электрон форматын билгеләгән закон үз көченә керүгә бер ел булды. Хәзер кадастр исәбенә һәм хокукларны теркәүгә барлык гаризалар алардан бары тик цифрлы форматта гына кабул ителә. Күрсәтелгән чорда (2025 елның 1 мартыннан) Татарстан Росреестрына юридик затлардан барлыгы электрон рәвештә 134,4 меңнән артык гариза кергән. Бер ел элек (әлеге закон үз көченә кергәнче), алар 100 меңнән артык булган.
"Юридик затлар белән хезмәттәшлекнең йөз процентлы электрон форматына күчү безнең эшне цифрлаштыруда мөһим адым булды. Без бу алым күчемсез милек базарында катнашучыларның барысын да теркәү процессын гадиләштереп кенә калмыйча, аны сизелерлек тизләтә дә. Электрон рәвештә килгән документлар буенча хокукларны теркәү срогы Татарстанда уртача ике көн тәшкил итә", - дип билгеләп үтте Татарстан Росреестры җитәкчесе урынбасары Лилия Борһанова.
Ведомствода аңлатуларынча, теркәү органына мөрәҗәгать иткәндә юридик затларга шуны истә тотарга кирәк: гаризага теркәлгән килешүләр (сату-алу, аренда, алмашу һ. б.) бары тик якларның көчәйтелгән квалификацияле электрон имзасы (УКЭП) белән имзаланган электрон документлар рәвешендә генә тапшырылырга тиеш, чөнки үз куллары белән имзаланган кәгазь шартнамәнең скан-образы электрон документ түгел! Моннан тыш, тапшыру актына бары тик электрон рәвештә кул куйганнан соң, төзүчеләр өлешле төзелештә катнашучының милек хокукын теркәү өчен Татарстан Росреестрына гаризалар һәм документлар җибәрергә, ә теркәлү процедурасы тәмамланганнан соң өлешле төзелештә катнашучыга Бердәм дәүләт күчемсез милек реестрыннан өземтә тапшырырга тиеш.
Исегезгә төшерәбез, юридик затлар электрон теркәлү өчен документларны түбәндәге ысуллар белән тапшыра ала:
- Росреестрның рәсми сайтындагы шәхси кабинетта;
- Росреестрның веб-сервислары аша;
- электрон хезмәттәшлек адаптеры аша;
(Законнарда каралган башка ысуллар булырга мөмкин).