Әлфия Когогина: гадәттән тыш хәлләр вакытында зыян күрүчеләргә өстәмә социаль гарантияләр биреләчәк
Дәүләт Думасы табигый һәм техноген гадәттән тыш хәлләр нәтиҗәсендә зыян күргән гражданнарга, нормаль тормыш шартларын торгызу өчен, хезмәт хакын сакламыйча, өстәмә түләүле ял көне һәм биш көнгә кадәр ял итү хокукы бирә торган закон кабул итте.
Рф Дәүләт Думасы депутаты, кече һәм урта эшмәкәрлек комитеты рәисенең беренче урынбасары, «Эшмәкәрлек» федераль партия проекты координаторы Әлфия Когогина: «Гадәттән тыш хәлләрдә зыян күрүчеләргә өстәмә социаль гарантияләр биреләчәк. Табигый һәм техноген характердагы гадәттән тыш хәлләр зоналарында яшәүче хезмәткәрләр, аларның яшәү шартлары бозылган яисә мөлкәтләрен югалткан очракта, хезмәт хакын саклап калмыйча, биш календарь көнгә кадәр дәвамлы ял һәм уртача хезмәт хакын саклап, өстәмә ял көне алырга мөмкин. Бу вакытны кешеләр документлар рәсмиләштерү, эшләрен югалтудан курыкмыйча, киләчәк тормыш шартларын торгызу өчен куллана алачак"»
Закон РФ Хезмәт кодексына үзгәрешләр кертә, алар нигезендә өстәмә ял һәм ял көннәре берничә шарт үтәлгәндә бирелә: гадәттән тыш хәл зонасында фактик яшәү, яшәү шартлары бозылу, шулай ук булган хәлләр аркасында мөлкәтне югалту. Мондый көннәрне бирү тәртибен һәм шартларын РФ Хөкүмәте билгели