100 баллга 100 мең сум: Менделеевскида чыгарылыш сыйныф укучыларына ярдәм итү программасы эшли башлады

2026 елның 17 апреле, җомга

Менделеевск районында укучыларга ярдәм итүнең яңа чарасы кертелә. Бердәм дәүләт имтиханы нәтиҗәләре буенча 100 балл җыйган чыгарылыш сыйныф укучылары район Башлыгы премиясен -100 мең сумлык акчалата сертификат алачаклар.

Программаның башлануы турында район Башлыгы Роберт Искәндәров укучылар белән очрашу вакытында хәбәр итте. Сәфәр кысаларында ул Советлар Союзы Герое М.С.Фомин исемендәге мәктәптә чыгарылыш сыйныфлары өчен Парламент дәресе үткәрде, анда администрация эше турында сөйләде һәм балалар белән аралашты.

Инициатива талантлы һәм актив яшьләргә ярдәм итүгә, шулай ук чыгарылыш укучыларын югары нәтиҗәләргә ирешүгә этәрүгә юнәлдерелгән.

Сертификатларны тапшыру быел 26 июньдә Менделеевскида узачак чыгарылыш кичәсендә планлаштырыла.