Татарстан эшмәкәрләренә: "Гадел тамга" маркировкасын яклау үзәге ачылды

Кече һәм урта эшмәкәрлек субъектлары өчен мөһим яңалык — 2026 елның 16 февраленнән Татарстанда «Гадел тамга» маркировкасын яклау үзәге эшли башлады. Ул Татарстан Республикасы эшмәкәрлеккә ярдәм фондының "Минем бизнес" үзәге базасында төзелде.

Кем мөрәҗәгать итә ала?

Үзәк түбәндәге эшмәкәрләргә ярдәм итә:

- мәҗбүри маркировкаланырга тиешле товарлар җитештерәләр, читкә чыгаралар яки күпләп саталар;

- "Гадел тамга" системасында теркәлергә әзерләнәләр;

- маркалы товарлар әйләнешендә инде катнашалар (җитештерүчеләр, импортерлар, күпләп сатучылар).

Үзәк нәрсә тәкъдим итә?

Белгечләр «Гадел тамга» системасы белән эшләүнең барлык мәсьәләләре буенча бушлай шәхси ярдәм күрсәтәләр, шул исәптән:

- системада шәхси кабинетны теркәү;

- товарлар карточкаларын тутыру;

- маркировка кодларына заказ бирү һәм аларны әйләнешкә кертү;

- кирәкле җиһазлар һәм чыгым материаллары (мәсәлән, этикеткалар өчен принтерлар)сайлау;

- системага тоташу һәм сезнең компаниянең исәп-хисап системасы белән синхронлаштыру;

- оператив техник ярдәм

Бонус: көндезге консультация вакытында сез бушлай 500 кодлы маркировка бастыра аласыз.

Консультациягә ничек язылырга?

Сез уңайлы ысул сайлый аласыз:

8 (843) 222-90-64 телефоны буенча шалтыратырга.

Форманы сайтта тутырырга: fpprt.ru → "финанс булмаган ярдәм чаралары" бүлеге → "Гадел тамга".

Кара - каршы консультацияне кайдан алырга?

Адрес: Казан шәһәре,Петербург ур., 28 йорт, «Минем бизнес»үзәге.