Алда булачак сайлау кампаниясенә әзерлек буенча оештыру киңәшмәсе
Бүген район башлыгы урынбасары Ләйсән Галиева рәислегендә булачак сайлау кампаниясенә әзерлек буенча оештыру киңәшмәсе узды.
Очрашуда 2026 елның 18-20 сентябрендә Менделеевск районында РФ Дәүләт Думасына депутатлар сайлауны оештыру һәм уздыруның төп мәсьәләләре турында фикер алыштылар.
Сайлау кампаниясенә әзерлек барлык катнашучыларның - хокук саклау һәм күзәтчелек органнарының, ресурслар белән тәэмин итүче оешмаларның һәм участок сайлау комиссияләре урнашкан урыннар милекчеләренең килешеп эшләвен таләп итә.
"Безнең уртак бурычыбыз-сайлау процессының законлылыгын, үтә күренмәлелеген һәм куркынычсызлыгын тәэмин итү, халыкның аз хәрәкәтчән төркемнәрен дә кертеп, барлык сайлаучылар өчен уңайлы шартлар тудыру", - дип билгеләп үтте Ләйсән Галиева.
Киңәшмәдә билгеләп үтелгәнчә, 20 июньгә кадәр участок сайлау комиссияләре биналарында янгын куркынычсызлыгы һәм терроризмнан саклану таләпләренә туры килү-килмәвен комплекслы тикшерү үткәрергә, металлодетекторларның, хәбәр итү системаларының, янгын сүндерү һәм эвакуация юлларының эшли алуын тикшерергә кирәк.
Бина милекчеләренә, «Челтәр компания» ААҖ филиалы белән берлектә, сайлауларны оештыру чорына сайлау участокларын резерв электр белән тәэмин итү буенча чаралар күрү йөкләнде. "Таттелеком " гавами акционерлык җәмгыяте филиалына сайлау комиссияләре белән берлектә участок комиссияләре эшләгән чорга участокларны стационар телефон элемтәсе белән тәэмин итәргә кирәк.
Барлык хезмәтләрнең уртак эше сайлауларның районыбызның һәр кешесе өчен ачык, гадел һәм куркынычсыз узуын гарантияли!