Газетаның беренче номеры

Турай урта гомуми белем бирү мәктәбендә «Яшь кәламчеләр” түгәрәге оешты. Түгәрәкнең җитәкчесе – яшь, энергияле тарих укытучысы Ләйсән Шаеховна Фассахова. Кыска гына вакыт эчендә ул түгәрәккә йөрүчеләрне туплап өлгерде. Тырышлык үз нәтиҗәләрен көттермәде: балалар иҗаты үзәге ярдәме белән “Мәктәп мизгелләре” дигән газетаның беренче номеры дөнья күрде. Яшь каләм тибрәтүче дусларыбызга иҗат уңышлары телибез.