“Туган якның садә җырчысы – Егор Уткин”

Бөрешле авылында керәшен Якшәмбе мәктәбендә укучылар җирле шагыйрь Егор Василий улы Уткинның тормыш юлын һәм иҗатын өйрәнү дәвам итә. 29 гыйнвар көнне “Туган якның садә җырчысы – Егор Уткин” исемле укулар булып узды. Бу чарада мәктәпнең 1-9 сыйныф укучылары катнашты.  Укучылар рус һәм туган телдә Егор Уткинның чишмәләргә, туган авылга, сугышка багышланган шигырьләрен сөйләделәр, аның тормыш юлын яктырткан презентация төзеделәр. Чыгышлары өчен балалар грамоталар белән бүләкләнделәр.