«Безгә бу җырларны онытырга ярамый»

11 март көнне «Юность» район мәдәният йортында шушы исемдә бәйрәм концерты булды. Ул хәрби тематикага видеоролик күрсәтү һәм Гассар исемендәге мәдәният сараенда эшләп килүче ветераннар хоры башкаруындагы җыр белән башланып китте. Котлау сүзләре белән район җитәкчесе В.Чершинцев чыгыш ясады һәм 13 хатын-кызга - тыл хезмәтчәннәренә Җиңүнең 70 еллыгына карата истәлек медальләре тапшырды. Бәйрәм кичәсен шәһәр һәм район мәктәпләренең бию һәм вокаль коллективларының чыгышы дәвам итте.