«Балкыш – Сияние» ветераннарга хәйрия концерты бүләк итте

Бу атнада Г.Тукай исемендәге Татар дәүләт филармониясе сәхнәсендә ветераннар арасында «Балкыш-Сияние» үзешчән башкаручылары III Республика фестивале лауреатларының хәйрия концерты булып узды. Бу концерт совет халкының 1941-1945 елгы Бөек Ватан сугышында Җиңүенең 70 еллыгы кысаларында сугыш чоры балалары һәм тыл ветераннары өчен үтте. Бу фестивальдә Менделеевск районыннан сугыш һәм хезмәт ветераннарының, Хәрби көчләр һәм хокук саклау оешмалары берлеге рәисе Любовь Сорокина җитәкчелегендә Илнәт авыл мәдәният йорты "Кугезе сем" мари фольклор җыры ансамбле катнашты, ә ООО «Менделеевсказот» хезмәткәре Николай Макаров "Торналар" җырын башкарды.